今次再講發表，老師話今年學校改左syllabus，規定input同output一樣咁重要，唔可以再好似以前咁話自己淨係想學文法而唔做發表。佢話好對唔住都要講，佢覺得我地呢班個個都咁差，無一個比較好，所以大家都唔使介意自己做得唔好而唔做。

こと呢個文型一年班已經學過，而家重覆再教得深入啲，老師話學校份補充教材太簡單，所以佢自己做左一份俾我地，詳細講明用法。講到最後老師話呢個句型範圍好大，講到呢度為止就算嘞，叫我地學住咁多先，暫時唔駛再深究落去。

老師叫我地翻開教科書第八頁，有一個同學仔用台灣版，佢揭極都搵唔到，老師走埋去佢個位，攞起本書沖口而出就話：やすい本。

上一堂老師派左一份第一課單語英文解釋俾我地，買左台灣版ge同學仔又e左第一課有中文解釋嗰兩頁俾我，預習嗰陣攞晒出嚟逐個字對照住讀落去，睇到「留守中」，老師份notes解釋係while out，但台灣版係「正在看家」，兩個解釋完全相反，都唔知信邊個好！

上星期日一早上網睇三級試成績，文字語彙同讀解部份有八成幾分數，不過聽解只得七成，所以總分拉低晒。

中期試成績唔算好好，僅僅佔全年總成績20分，如果期末考試無答啱九成，就一定攞唔到「優異」成績。

中期試七點開始至九點七，考足兩個半鐘，無壓力但都好攰。

今次測驗49同50課，半個鐘頭僅僅寫完，都未有時間睇多次就收卷。

老師繼續解釋敬語同謙讓語，話有啲學校淨係教敬語，但係唔識謙讓語對佢地嚟講好失禮，所以叫我地儘量背晒佢。

繼任老師係中年女士，比上星期嗰位代課老師睇落細幾年，三個鐘頭都無mug笑容，言語又幾串，個樣有啲惡。